广东童谣鸡公仔
随着广东经济的发展加之人们生产生活方式的改变,近年来,广东童谣较少被人重视。下面小编为大家整理了广东童谣鸡公仔，一起来怀念怀念吧。
广东童谣鸡公仔
鸡公仔尾弯弯 做人呢点可以怕艰难 清早起床返学去 执齐的书本啊上学堂 一分耕耘自有一分收获 懒惰去做人呀 又点会有所成啊 做人呢当然要有精神 清早起床有好习惯 经常都温书啊要学勤 鸡公仔尾婆娑 三岁既孩童学唱歌 阿哥佢听教O罗 妈就开心哂咯 阿哥佢唔听话 妈就唔安乐 喔…… 大笨象会跳舞 马骝仔会上树 长颈鹿会打筋斗 山猪山豹山羊 山中有只老羊 又见野狗与豺狼 松鼠斑马老虎 狮子花豹野牛 跳舞和唱多趣味 重有青蛙咯咯咯 小鸭高叫quackquackquack “打开蚊帐 打开蚊帐 有只蚊 有只蚊 快D拿把扇黎 快D摆把扇黎 拨走佢 拨走佢
经典广东童谣
1、月光光，照地堂，年卅晚，摘槟榔，槟榔香，摘子姜，子姜辣，买(胡辣、菩达、萝卜)，(胡辣、菩达、萝卜)苦，买猪肚， 猪肚肥，买牛皮，牛皮薄，买菱角，菱角尖，买马鞭，马鞭长，起屋樑，屋樑高，买张刀，刀切菜，买箩蓋，箩蓋圆，买只船，船无底，浸死两个番鬼仔，一个蒲頭，一个沉底。
2、凼凼转，菊花圆，炒米饼，糯米团。亚妈叫我睇龙船，我唔睇，睇鸡仔，鸡仔大，拎去卖。卖 得几多钱?卖得三百六十五个仙，得来买膏又买盐。
3、点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。
4、卖懒，卖懒，卖到年卅晚，人懒我唔懒。
5、落雨大，水浸街。阿哥担柴上街卖，阿嫂出街着花鞋。花鞋花袜花腰带，珍珠蝴蝶两边排。
7、赖尿虾，炒冬瓜，炒吾熟赖阿妈。
8、人之初，狗虱多，狗虱唔咬我，专咬先生两公婆。
9、肥佬肥腾腾，买旧猪肉去拜神，行到半路屎弗痕，返到屋企没晒人，打开个痰盥有敌人，肥佬只好做难民!
10、四眼哨牙突下巴，屎忽嬲嬲下，哨牙可以刨西瓜，落雨可以遮下巴，飲茶可以隔茶渣，劈友可以擋番下。
11、萝卜头
萝卜头，点豉油，点得多，咸过头，点得少，淡谋谋。佢以为，好正斗，点不知，俾人踢罗柚，一踢踢到西门口。
12、排排坐
排排坐，吃果果，猫衣担凳比姑婆坐，坐烂个屎忽，唔好赖我，赖番隔离个二叔婆
13、斗柑
“篾”开柑，数柑核，边个核多就边个赢，吾准手赖就甘缩骨。
14、拍大骳
拍大骳，唱山歌，人人话我无老婆，嘀起心肝娶返个，有钱娶个娇娇女，无钱娶个豆皮婆，豆皮婆，食饭食得多，屙屎屙两箩，屙尿冲大海，屙屁打铜锣。
15、凼凼转
凼凼转，菊花圆，炒米饼，糯米团，阿妈叫我睇龙船，我吾睇，睇鸡仔，鸡仔大，摞去卖，卖得几多钱?卖得三百六十五个仙。
16、猜呈沉
呈沉剪，呈沉包，呈沉糯米叉烧包。老鼠吾食香口胶，要食豆沙包。
17、伏垒垒
一就预备，二就垒埋，三就开盘，四就嚟到，五到算数。
18、捉大贼
点指兵兵，点着谁人做大兵，点指贼贼，点着谁人做大贼。
19、估手指
估手指，要估中，边个吾中，就吾中用，裤浪底见个窿。